| اِ دوُس كم ياد بَكوُ / تو دِ ديارت |
دِ ياروُ كَسْ نَمَنَه /كي بَكهَ يادت |
| مهِ وِ ياد ايل كوُچ نشي/ها مي زنم زار |
مهِ دِ ايي مالگهَ دل گير/ها بَكنم بار |
| يك وِ يك همه رَتن / دلير پيايا |
نَمَنَه اَسب كهر / قديم سواريا |
| ندينم چي اوسنوُ / سر و يك بياريم |
حال خَور وايكبَكيم/غَم دلْ دراريم |
| بَشينيم و دوُور يك/چي اوُسني موُ |
نه ايسه كَسي نِميا/رَت با دِ تي موُ |
| نَمَنَه شنگ دوُ قطار/ تير دِ تفنگم |
قوُشني دوُورم گريت/سي دلِ تنگم |
| سَفَريم رَت وِ سَفَر / ورگشتني ناره |
نوُم نيكش مَن وِ جا / مين ايل دياره |
| اِ فلك داد تونه / وِ كي بيارم |
گرگ كوُ مي گريوه/سي حالِ زارم |
| مالگهَ چوُل ايل بار كرده/ذوقم و چينهَ |
لوُ وِ لوُ پرده دلم/ كُل اوُووخينهَ |
| حَقتهَ سيتبَنالم / تو كَسْ وُ كارم |
هَر گوُمي نيمه گوُمي/گُل سيت بَكارم |
